Kraftaverk!!!
Já ég aldeilis kom sjálfri mér á óvart um daginn þegar að ég komst að því að ég get borðað lax. Ég er ein af þeim manneskjum sem að aldrei hef getað borðað fisk og varð ég því auðvitað mjög glöð þar sem að ég veit að fiskur er svo góður fyrir mann :) Já kraftaverkin gerast enn...hver veit nema að ég geti bráðum borðað silung....Jih þetta er svo spennandi.

Í gær hélt ég mig heima við alveg límd við skjáinn....þetta idol tekur alveg af manni alla löngun að fara úr húsi á föstudagskvöldum. Keppnin er orðin svo hörð að maður er alveg með í maganum yfir cöttunum.... en það verður að segjast að allir séu alveg svakalega góðir. Seinustu cött eru þó búin að vera alveg sanngjörn, en ég hef trú á því að allir fái e-ð að gera eftir keppnina.

Í kvöld verður svo kíkt í útskriftarpartý hjá henni Ríkeyju og svo ætla ég að skella mér á Nasa að hlusta á Jagúar spila.

- þetta skrifaði hún Gudny þegar klukkan var 2:44 f.h.

 
í dag var opinn hús í söngskólanum í tilefni vetrarhátíðar í reykjavík. Ég var mætt galvösk uppí skóla um kl. 14 og átti að fara í söngtíma....þetta var mjög skrítið þar sem að hurðin var opin á stofunni og fólk að koma inn og út. Ég verð nú að viðurkenna að þetta var svolítið stressandi...en samt bara gaman. Og gaman að sjá hve margir sáu sér fært að mæta og kynna sér starfsemi skólans.
Á þriðjudaginn seinasta skellti ég mér í bíó að sjá "million dollar baby" sem að var bara ein sú besta mynd sem að ég hef séð og vil ég hvetja alla til að fara að sjá hana. Í kvöld er svo stefnan að fara að sjá "Closer".... ekki slæmt að sjá mynd með svona svakalegum hönkum eins og jude law og clive owen...mmhmhmmm.... Stefnan er sett á að reyna að sjá slatta af þessum óskarsverðlaunamyndum.... það er bara allt of mikið í boði.
Helgin mín var annars bara mjög fín....byrjaði auddað á idol-glápi :)... og svo var skellt sér á gaukinn að hlusta á nokkur bönd, og má þá helst nefna skemmtilegu hljómsveitina Lirmil! Þar var gætt sér á nokkrum öllurum og skemmt sér. Svo í gærkveldi vorum við nokkrar stelpur með spilakvöld og léttvínsþamb.

- þetta skrifaði hún Gudny þegar klukkan var 9:04 f.h.